سارہ انعام قتل کیس ملزم کی ثبوت مٹانے کی کوشش

اسلام آباد: سارہ انعام قتل کیس میں پولیس نے اتوار کو انکشاف کیا ہے کہ ملزم شاہنواز امیر - سینئر صحافی ایاز امیر کے بیٹے - نے شواہد کے ساتھ چھیڑ چھاڑ کی کوشش کی۔

 ریمانڈ ختم ہونے کے بعد دونوں باپ بیٹے کو 26 ستمبر کو دوبارہ عدالت میں پیش کیا جائے گا۔

پولیس نے بتایا کہ انہوں نے جائے وقوعہ سے چھ موبائل فون برآمد کیے جن میں سے پانچ کا تعلق شاہنواز امیر سےتھا، جب کہ ان میں سے ایک مقتولہ کے نام پر رجسٹرڈ تھا۔

 پولیس نے مزید کہا کہ ملزم نے ڈیٹا مٹانے کے لیے اپنے اور اپنی بیوی کے فون کو ڈمبلز سے توڑ دیا تھا۔

 پولیس ذرائع نے Geo.tv کو بتایا، "ملزم نے موبائل فون کو توڑ کر کیس میں ثبوت چھپانے کی کوشش کی تھی۔"

 پولیس ذرائع کے مطابق تمام برآمد شدہ فونز کو فرانزک کے لیے بھیج دیا گیا ہے، انہوں نے مزید کہا کہ وہ موبائل فونز سے ڈیٹا ریکور کر جوڑے کے درمیان جھگڑے کی وجہ معلوم کریں گے۔

ذرائع کے مطابق ملزمان نے مقتولہ کا کینیڈین پاسپورٹ بھی قینچی سے کاٹ دیا۔ پولیس نے بتایا کہ قتل کی جگہ سے اس کے پاسپورٹ کے ٹکڑے اور قینچی بھی برآمد ہوئی ہے۔

 پولیس ذرائع نے بتایا کہ سارہ کے لیے خریدی گئی کار کو ضبط کر کے پولیس اسٹیشن منتقل کر دیا گیا ہے۔

 ملزم شاہنواز کو پولیس نے جمعہ 24 ستمبر کو بیوی کے قتل کے الزام میں حراست لیا تھا۔ اس نے جرم کرنے کا اعتراف کرتے ہوئے کہا کہ اسے "شک" تھا کہ اس کی شریک حیات کا کسی اور کے ساتھ افیئر ہے۔

 سارہ کو جمعہ کو وفاقی دارالحکومت کے علاقے چک شہزاد میں قتل کیا گیا تھا اور ترجمان اسلام آباد پولیس کے مطابق شاہنواز نے مبینہ طور پر اسے گھر میں قتل کیا۔

مقدمے کی ابتدائی تفتیش کے دوران ملزم نے پولیس کو بتایا کہ اس کی مقتولہ کے ساتھ تین ماہ قبل شادی ہوئی تھی اور وہ اس کی تیسری بیوی تھی۔ ان کی ملاقات سوشل میڈیا پر ہوئی تھی۔

 ذرائع کے مطابق، شاہنواز نے پولیس کو بتایا، "میں نے سوچا کہ اس کا کسی اور کے ساتھ افیئر ہے لیکن اس نے مجھے یقین دلایا ہے کہ اس کا کسی کے ساتھ کوئی رشتہ نہیں ہے۔"

 ذرائع کے مطابق، اس نے پولیس کو مزید بتایا کہ اسے شبہ ہے کہ مقتولہ " ایجنٹ" تھی اور اس نے "محسوس کیا کہ وہ اسے قتل کرنے کی سازش کر رہی تھی۔"

 پوچھ گچھ کے دوران ملزم نے بتایا کہ سارہ نے اس کا گلا دبانے کی کوشش کی جس کے بعد اس نے اسے اپنے سے زور سے دھکہ دیا۔

 پولیس کو شاہنواز نے بتایا، "سارہ نے صبح تقریباً 9:30 بجے میرا گلا گھونٹنے کی کوشش کی۔ میں نے سوچا کہ میں مر جاؤں گا اس لیے میں نے اسے خود کو چھڑوانے کی کوشش کی اور اپنے سے دور دھکیلا تو وہ گر گئی۔" "وہ اٹھی اور مجھ پر دوبارہ حملہ کیا، تو میں نے اپنے ڈمبلز جو پاس پڑے تھے پکڑ لیے اور اس کے سر پر مارا۔"

ملزم نے مزید کہا کہ اس نے اپنی بیوی کو مارنے کے بعد دیکھا تو کمرہ خون سے بھر گیا تھا جس سے وہ خوف و ہراس میں مبتلا تھا۔

 "اس لیے میں نے سارہ کی لاش کو ایک باتھ ٹب میں رکھا تاکہ خون کے دھبے صاف کیے جا سکیں،" ذرائع کے مطابق ملزم نے مزید کہا کہ اس نے باتھ ٹب کی تصویر کھینچ کر اپنے والد ایاز امیر کو بھیجی۔

 ایس ایچ او نوازش علی خان کی شکایت پر پاکستان پینل کوڈ (پی پی سی) کی دفعہ 302 (قتل کی سزا) کے تحت جمعہ کو ایف آئی آر درج کی۔

 ایف آئی آر میں کہا گیا ہے کہ ملزم کی والدہ ثمینہ شاہ نے جمعہ کو پولیس کو فون کرکے بتایا کہ اس کے بیٹے شاہنواز امیر نے اس کی بیوی کو ڈمبل سے قتل کیا ہے۔

 ایف آئی آر کے مطابق ثمینہ شاہ نے پولیس کو بتایا کہ اس کا بیٹا گھر میں تھا اور اس نے اپنی بیوی کی لاش چھپا رکھی تھی۔ جس کے بعد پولیس نے گھر پر چھاپہ مارا۔

رپورٹ میں پولیس نے کہا کہ شاہنواز نے خود کو اپنے کمرے میں بند کر لیا تھا اور جب اہلکار اندر داخل ہوئے تو اس کے ہاتھوں اور کپڑوں پر خون کے دھبے ۔وہاں سے پولیس نے شاہنوازکوحراست میں لیا، ایف آئی آر کے مطابق، اس نے اپنی بیوی کو جھگڑے کے دوران بار بار ڈمبل مارنے اور بعد میں لاش کو باتھ ٹب میں چھپانے کا اعتراف کیا۔

 ایف آئی آر میں شاہنواز کے حوالے سے کہا گیا ہے کہ "آلہ قتل" اس کے بستر کے نیچے چھپا ہوا تھا۔ پولیس نے ڈمبل کا معائنہ کرنے پر اس پر خون اور بال پائے گئے ۔ بعد میں پولیس نے آلہ قتل کو فرانزک کے لیے بھیج دیا۔