بلوچستان میں ہیلی کاپٹر گر کر تباہ!

راولپنڈی: پاک فوج کے شعبہ تعلقات عامہ (آئی ایس پی آر) نے پیر کو کہا کہ بلوچستان میں ہیلی کاپٹر گر کر تباہ ہونے سے دو میجرز سمیت چھ پاک فوج کے جوان شہید ہوگئے۔

فوج کے میڈیا ونگ کے مطابق پاکستانی فوج کا ہیلی کاپٹر رات گئے ہرنائی بلوچستان کے علاقے خوست کے قریب فلائنگ مشن کے دوران گر کر تباہ ہو گیا۔

آئی ایس پی آر کے مطابق شہید ہونے والوں میں پائلٹ میجر محمد منیب افضل، پائلٹ میجر خرم شہزاد، نائیک جلیل، صوبیدار عبدالواحد، سپاہی محمد عمران اور سپاہی شعیب شامل ہیں۔

شہید ہونے والے 39 سالہ میجر خرم شہزاد اٹک کے رہائشی تھے اور انہوں نے اپنے پیچھے ایک بیوہ اور ایک بیٹی چھوڑی ہے جب کہ 30 سالہ میجر محمد منیب افضل راولپنڈی کے رہائشی تھے  ان کے دو بیٹے تھے۔

44 سالہ صوبیدار عبدالواحد کا تعلق کرک کے صابر آباد گاؤں سے تھا انہوں نے نے اپنے سوگواران میں ایک بیوہ اور چار بچے چھوڑے ہیں، جبکہ سپاہی محمد عمران،کی عمر 27 سال تھی  خانیوال کے مخدوم پور کے  رہائشی تھے اور ان  کے پسماندگان میں ایک بیوہ اور تین بچے ہیں۔

30 سالہ نائیک جلیل گجرات کے گاؤں بھٹہ کے رہائشی تھے۔  انہوں نے اپنے پیچھے ایک بیوہ اور دو بچے چھوڑے ہیں۔  35 سالہ سپاہی شعیب اٹک کے گاؤں کھترپھٹی کے رہائشی تھے۔  ان کے پسماندگان میں بیوہ اور ایک بیٹا ہے۔

گزشتہ ماہ بلوچستان کے ضلع لسبیلہ کے شہر وندر میں ہیلی کاپٹر کے حادثے میں کمانڈر XII کور لیفٹیننٹ جنرل سرفراز علی سمیت پاک فوج کے چھ اہلکار شہید ہو گئے تھے۔

  آئی ایس پی آر نے ایک مختصر بیان میں کہا کہ یہ واقعہ سیلاب کی امدادی کارروائیوں کے دوران خراب موسم کے باعث پیش آیا۔

قوم شہید فوجی افسران کو سلام پیش کرتی ہے

وزیراعلیٰ پنجاب پرویز الٰہی نے افسوسناک واقعے پر گہرے دکھ کا اظہار کرتے ہوئے شہید فوجیوں کے اہل خانہ سے دلی ہمدردی کا اظہار کیا ہے۔

شہداء کو خراج عقیدت پیش کرتے ہوئے انہوں نے کہا کہ انہوں نے فرض کی ادائیگی میں اپنی جانوں کا نذرانہ پیش کیا۔  قوم کو ان کی فرض شناسی پر فخر ہے۔  شہید قوم کے ہیرو ہیں۔

قوم شہید فوجی افسران کو سلام پیش کرتی ہے، وزیراعلیٰ پنجاب نے کہا کہ شہداء کی عظیم قربانیوں کو کبھی فراموش نہیں کر سکتے۔