اسحاق ڈار نے بطور وزیر خزانہ حلف اٹھا لیا!!

 

اسلام آباد: مسلم لیگ (ن) کے سینئر رہنما سینیٹر اسحاق ڈار نے بطور سینیٹر حلف اٹھانے کے ایک روز بعد وفاقی وزیر کے عہدے کا حلف اٹھا لیا۔

ایوان صدر میں منعقدہ تقریب میں صدر مملکت  ڈاکٹر عارف علوی نے اسحاق ڈار سے حلف لیا ان کی  تقریب حلف برداری میں وزیر اعظم شہباز شریف اور مسلم لیگ (ن) کے سینئر رہنماؤں اور کابینہ کے ارکان نے بھی شرکت کی۔

رہنما مسلم لیگ ن سینیٹر اسحاق ڈار نے وزیر خزانہ کا حلف اٹھا لیا! pic.twitter.com/K6T7Nihb7m

— PML(N) (@pmln_org) September 28, 2022

مفتاح اسماعیل کے استعفیٰ کے بعداسحاق ڈار کو وزارت خزانہ کا قلمدان دیا گیا ہے۔  یہ چوتھی بار ہو گا جب اسحاق وزارت خزانہ کی سربراہی کر رہے ہیں۔

مسلم لیگ (ن) کے رہنما لندن میں 5 سالہ جلاوطنی کے بعد پیر کو وطن واپس پہنچے تھے، ان کو دوبارہ وزیر خزانہ کا فیصلہ پارٹی کے سربراہ نواز شریف کی جانب سے ایک اجلاس میں کیا گیا جس میں وزیر اعظم شہباز شریف بھی موجود تھے۔

اسحاق ڈار کو پارٹی قیادت نے ملک کو بحران سے نکالنے کا کام سونپا ہے۔

اسلام آباد میں اترنے کے بعد، مسلم لیگ ن کے رہنما نے کہا کہ وہ پاکستان کو اس معاشی بحران سے نکالنے کی پوری کوشش کریں گے جس میں وہ گھرا ہوا ہے۔

انہوں نے کہا کہ "ہم نے پاکستان کو 1998 اور 2013 میں بھی  معاشی بدحالی سے نکالا"۔

سینیٹ کے اجلاس کے دوران سوال و جواب کے وقفے میں، ہنڈی اور حوالے کے کاروبار کو مورد الزام ٹھہراتے ہوئے، اسحاق ڈار نے کہا کہ روپے کی قدر مصنوعی طور پر کم ہے، انہوں نے مزید کہا کہ اس طرح کا طرز عمل مقامی کرنسی کو یرغمال نہیں بنا سکتا۔

اسحاق ڈار نے کہا کہ جب سے وہ ملک میں آئے ہیں امریکی ڈالر کی قدر میں روپے کے مقابلے میں تقریباً 10 روپے کی کمی ہوئی ہے، انہوں نے کہا کہ ملک کو درپیش مسائل میں سے ایک روپے کی مصنوعی قدر میں کمی ہے۔

انہوں نے کہا کہ "مہنگائی بھی بہت زیادہ ہے،" اس حکومت میں ہم نے اسے بھی کنٹرول کرنا ہے