پاکستان سمیت دنیا بھر میں یوم استحصال کشیمر کے احتجاج

مقبوضہ جموں و کشمیرکی غیر آئینی طور پر حیثیت بدلنے کا ایک سال مکمل ہوگیا، مودی سرکار کے غیر قانونی اقدام کیخلاف پاکستان بھر میں یوم استحصال منایا جا رہا ہے،  پوری قوم ہر صوبے ہر شہر ہر گلی میں کشمیریوں سے اظہار یکجہتی کا مظاہرہ کر رہی ہے۔

 وزیراعظم آفس کے قریب کشمیر ریلی نکالی گئی جس میں اراکین پارلیمنٹ اور صدر مملکت عارف علوی، چیئرمین سینیٹ صادق سنجرانی، اسپیکر قومی اسمبلی اسد قیصر اور وزیرخارجہ شاہ محمود قریشی نے قیادت کی،  اور دیگر اعلیٰ شخصیات و عوام کی بڑی تعداد نے بھی شرکت کی۔

وزیر اعظم عمران خان اس دن کی مناسبت سے  آزاد کشمیر اسمبلی سےآج خطاب کریں گے اور یکجہتی واک میں بھی شرکت کریں گے۔اس موقع پربزرگ حریت راہنما سید علی گیلانی نے 5 اگست کو پورے مقبوضہ کشمیر میں شٹر ڈاؤن ہڑتال کی کال دی ہے۔ یوم استحصال کشمیر تقریبات میں بھارت کے 5 اگست 2019 کے یک طرفہ اور غیر قانونی اقدام کو بے نقاب کیا جارہا ہے۔

اس کے علاوہ دوسرے ممالک میں موجود پاکستانی اور کشمیری بھی اپنے اپنے انداز میں یوم استحصال کشیمر منا رہے ہیں