امریکی ادارے نیوکلیئر تھریٹ انیشی ایٹو نے 2020 کی رپورٹ جاری کردی ہے جس کے مطابق دوسرے ملکوں کی نسبت پاکستان نے ایٹمی سیکیورٹی اینڈ کنٹرول کٹیگری میں خود کو بہت بہتر بنایا ہے، پاکستان کے بہتر اقدامات کے بدولت پاکستان کی درجہ بندی میں 7 پوائنٹس کا اضافہ کیا گیا ہے۔ پاکستان نے پلس 25 پوائنٹس حاصل کیے ہیں جب کہ گلوبل نارمز کٹیگری میں بھی پاکستان کا پلس ون درجہ بڑھا ہے۔
این ٹی آئی انڈیکس کے مطابق ایٹمی اثاثوں کے تحفظ میں پاکستان کا انیسواں اور بھارت نے بیسواں نمبر حاصل کیا ہے جب کہ تنصیبات کے تحفظ میں 47 میں سے پاکستان کا 33 واں اور بھارت کا 38واں نمبر ہے۔ بھارت کے 41 کے مقابلے میں پاکستان نے 47 پوائنٹس حاصل کیے ہیں، اسی طرح تنصیبات کے تحفظ میں بھی بھارت کے 53 پوائنٹس ہیں جبکہ پاکستان نے 58 اسکور کیے ہیں۔ اس طرح ایٹمی اثاثوں کے تحفظ سے متعلق پاکستان کے اقدامات نے بھارت کو پیچھے چھوڑ دیا ہے۔
Post A Comment:
0 comments:
If you share something with us please comment.