مراد علی شاہ نیب کے سامنے پیش

وزیر اعلیٰ سندھ مراد علی شاہ جعلی اکاؤنٹس کیس سے متعلق سندھ روشن پروگرام  میں نیب اولڈ ہیڈکوارٹر پہنچ گئے۔
اس موقع پر نیب ہیڈکوارٹر اور اردگرد سیکیورٹی کے سخت انتظامات کیے گئے ہیں۔ مراد علی شاہ نیب کی کمبائنڈ انوسٹی گیشن ٹیم یعنی سی آئی ٹی کے سامنے 28 سوالات کے جوابات جمع کروائیں گے۔
نیب نے جعلی اکاؤنٹس کیس سے متعلق سندھ روشن پروگرام میں کرپشن پر مراد علی شاہ کو طلب کیا تھا۔ ان پر سولر اسٹریٹس لائٹس کے ٹھیکے غیر قانونی طور پر دینے کا الزام ہے۔ کئی کمپنیوں نے مبینہ طور پر 9 کروڑ روپے کی رشوت دے کر 4 ارب روپے کے ٹھیکے حاصل کیے۔
مراد علی شاہ پر 4 ارب کی غیر معیاری سولر لائٹس 400 فیصد مہنگے داموں خریدنے کا الزام ہے۔ اپنی پسند کی کمپنیوں کو ٹھیکے دلانے کے لیے مراد علی شاہ نے بطور وزیر خزانہ سال 2014.15 میں خصوصی نوٹ لکھا تھا۔