نیب کی ٹیم شہباز شریف کی گرفتاری کے لیے پہنچ گئی

نیب کی ٹیم پولیس کی بھاری نفری لے کر  شہباز شریف کو  گرفتار کرنے کےلئے ماڈل ٹاؤن میں ان کے گھر پہنچ گئی۔ واقع کا پتہ چلتے ہی مسلم لیگ ن کی ترجمان مریم اورنگزیب بھی ان کے گھرپہنچ گئی ہیں۔

نیب نے سابق وزیراعلی پنجاب میاں شہباز شریف کو آمدن سے زائد اثاثہ جات اور منی لانڈرنگ کیس میں طلب کر رکھا  تھا تاہم وہ پیش نہ ہوئے تھے۔ شہباز شریف نے نیب میں پیش نہ ہونے کے حوالے سے تفصیلی جواب بھجوایا تھا اور موقف اختیار کرتے ہوئے کہا تھا کہ وہ 69 سال کی عمر کو پہنچ چکے ہیں اور کینسر کے مرض میں مبتلا ہیں۔

اس کے علاوہ شہباز شریف کا کہنا تھا کہ لاہور سمیت ملک بھر میں کورونا وائرس  تیزی پھیل رہا ہے جس کے باعث وہ نیب میں پیش نہیں ہوسکتے، لہذا نیب نے جو بھی پوچھنا ہے  وہ آن لائن ویڈیو لنک اور اسکائپ کے ذریعے جواب لے سکتا ہے۔