اسلام آباد :- وزیراعظم شہباز شریف نے عالمی برادری سے مطالبہ کیا ہے کہ وہ افغانستان کی طالبان حکومت پر دباؤ ڈالے تاکہ وہ اپنی سرزمین پر موجود دہشت گرد گروہوں کو سختی سے کنٹرول کرے اور پاکستان کے خلاف حملوں کو روکے۔وزیراعظم شہباز شریف نے یہ بات ترکمانستان کے دارالحکومت اشک آباد میں منعقدہ بین الاقوامی فورم سے خطاب کے دوران کہی، جہاں انہوں نے علاقائی امن، دہشت گردی اور اقتصادی چیلنجوں پر عالمی تعاون کی ضرورت پر زور دیا۔
شہباز شریف نے کہا کہ دہشت گردی صرف پاکستان کا مسئلہ نہیں بلکہ خطے اور عالمی امن کے لیے سنگین خطرہ ہے۔ انہوں نے بتایا کہ پاکستان نے ہمیشہ دہشت گردی کے خلاف قربانیاں دیں، اس لیے عالمی برادری کو بھی اپنے کردار کو مؤثر بنانا ہوگا۔وزیراعظم نے اسلام آباد اور کابل کے درمیان قائم جنگ بندی کو مثبت پیش رفت قرار دیا، تاہم انہوں نے اعتراف کیا کہ یہ جنگ بندی ’’ابھی بھی نازک‘‘ ہے اور اس کے لیے مسلسل سفارتی کوششوں کی ضرورت ہے۔ انہوں نے قطر، ترکی، سعودی عرب، ایران اور متحدہ عرب امارات کی سفارتی معاونت کو بھی سراہا۔
اپنے خطاب میں شہباز شریف نے اقوام متحدہ کی سلامتی کونسل کی قرارداد 2788 کا حوالہ دیتے ہوئے کہا کہ یہ قرارداد خطے میں پائیدار امن کے لیے اہم قدم ہے۔ انہوں نے کہا کہ پاکستان فلسطینیوں اور کشمیریوں کے حقِ خود ارادیت کی حمایت جاری رکھے گا۔ وزیراعظم نے غزہ میں انسانی بحران پر تشویش ظاہر کرتے ہوئے مستقل جنگ بندی، امدادی رسائی اور بے گناہ شہریوں کے تحفظ پر زور دیا۔ انہوں نے کہا کہ پاکستان عالمی سطح پر امن، ترقی اور معاشی نظام کے فروغ کے لیے کام کرتا رہے گا۔فورم کے شرکا سے خطاب کرتے ہوئے انہوں نے اس بات پر بھی روشنی ڈالی کہ پاکستان مالیاتی شمولیت، خواتین بااختیاری اور پائیدار ترقی کے ایجنڈے کے تحت نمایاں اقدامات کر رہا ہے۔
وزیراعظم شہباز شریف نے عالمی فورم کے موقع پر متعدد عالمی رہنماؤں سے غیر رسمی ملاقاتیں کیں جن میں روس کے صدر ولادیمیر پیوٹن اور ترکی کے صدر رجب طیب ایردوان بھی شامل تھے۔ سرکاری نشریاتی ادارے پی ٹی وی کے مطابق یہ ملاقاتیں فورم کے سائیڈ لائنز پر ہوئیں جہاں خطے کی سیاسی اور معاشی صورتحال پر تبادلہ خیال کیا گیا۔ رپورٹ میں بتایا گیا کہ وزیراعظم نے تاجکستان کے صدر امام علی رحمان اور کرغیزستان کے صدر صدر جپاروف سے بھی اہم امور پر بات چیت کی۔ پی ٹی وی کا کہنا تھا کہ اجلاس کے دوران وزیراعظم شہباز شریف عالمی رہنماؤں کی توجہ کا مرکز رہے اور مختلف ممالک کے وفود نے ان سے ملاقات میں باہمی تعاون بڑھانے میں دلچسپی ظاہر کی۔
ترکمانستان کے دورے میں وزیراعظم کے ہمراہ موجود ڈپٹی وزیراعظم اور وزیر خارجہ اسحاق ڈار نے ایران کے وزیر خارجہ عباس عراقچی سے علیحدہ ملاقات کی۔ ملاقات میں دوطرفہ تعاون کے مختلف پہلوؤں اور خطے کی تازہ ترین صورتِ حال پر تبادلہ خیال کیا گیا۔ اسحاق ڈار نے ایک پوسٹ میں بتایا کہ دونوں رہنماؤں نے تجارت، راہ داریوں میں بہتری اور عوامی سطح پر روابط کو مزید مضبوط بنانے پر اتفاق کیا۔ انہوں نے کہا کہ پاکستان اور ایران خطے میں امن، استحکام اور خوش حالی کے مشترکہ ہدف کے لیے مل کر کام جاری رکھیں گے۔
وزیرِ اعظم محمد شہباز شریف کا دورہءِ ترکمانستان
— PTV News (@PTVNewsOfficial) December 12, 2025
وزیرِ اعظم محمد شہباز شریف کی اشک آباد میں عالمی رہنماؤں سے غیر رسمی ملاقات
بین الاقوامی سال برائے امن و اعتماد (International Year of Peace and Trust-2025)، عالمی دن برائے غیر جانبداری (International Day of Neutrality) اور… pic.twitter.com/Yq3MRQvTtK
Had a constructive meeting with my brother, Foreign Minister of Iran, Abbas Araghchi @Araghchi, today on the sidelines of the International Conference on Peace & Trust in #Ashgabat.
— Ishaq Dar (@MIshaqDar50) December 12, 2025
We discussed our bilateral cooperation and exchanged views on regional developments. We agreed to… pic.twitter.com/SZyRUntgso
Good to catch up with my brothers, FM Sayyid Badr bin Hamad Al Busaidi @badralbusaidi of Oman and FM Hakan Fidan @HakanFidan of Türkiye, today in #Ashgabat on the sidelines of the Peace & Trust Conference.
— Ishaq Dar (@MIshaqDar50) December 12, 2025
We exchanged views on regional & international developments, and… pic.twitter.com/XPh4HFEaaS
Post A Comment:
0 comments:
If you share something with us please comment.