مریدکے میں ٹی ایل پی کا احتجاج: ایس ایچ او سمیت 3 کارکن جاں بحق — پولیس کا مظاہرین پر حملے کا الزام

مریدکے (تازہ خبر) — تحریک لبیک پاکستان (ٹی ایل پی) کے کارکنوں اور پولیس کے درمیان جھڑپوں کے دوران ایک ایس ایچ او اور تین ٹی ایل پی کارکن جاں بحق ہوگئے۔ واقعہ اس وقت پیش آیا جب مظاہرین اسلام آباد کی جانب مارچ کرنے کی کوشش کر رہے تھے۔

پنجاب پولیس کا ایک اور بہادر جوان فرض کی راہ پر قربان..
ایس ایچ او فیکٹری ایریا شیخوپورہ شہزاد نواز نے امن و امان کے قیام، شہریوں کی جان و مال کی حفاظت کے دوران، ملک کی خاطر جان کا نذرانہ پیش کر دیا، مسلح جتھوں کی فائرنگ سے جام شہادت نوش کر گئے۔ آئی جی پنجاب ڈاکٹر عثمان انور کا… pic.twitter.com/m1TeJ3yDpF

— Punjab Police Official (@OfficialDPRPP) October 13, 2025

پولیس کے مطابق، ٹی ایل پی کے مظاہرین نے پتھراؤ، پٹرول بم، اور فائرنگ کا استعمال کیا، جس کے نتیجے میں 48 پولیس اہلکار زخمی ہوئے، جن میں 17 کو گولی لگی۔ علاوہ ازیں، 8 شہری بھی زخمی ہوئے جبکہ ایک شہری کی ہلاکت کی بھی تصدیق ہوئی ہے۔

پولیس کا کہنا ہے کہ مظاہرین کو مریدکے کے مقام پر منتشر کیا گیا اور متعدد شرپسند عناصر کو گرفتار کر لیا گیا ہے۔ صورتحال پر قابو پانے کے لیے موٹروے اور مرکزی شاہراہوں کو عارضی طور پر بند کیا گیا۔

ادھر، احتجاجی سرگرمیوں کے باعث اسلام آباد اور لاہور کے کئی اسکول بند کر دیے گئے، جبکہ موبائل انٹرنیٹ سروسز بھی متاثر ہوئیں۔

پنجاب حکومت کے ترجمان کے مطابق، "امن و امان کی بحالی حکومت کی اولین ترجیح ہے، کسی کو قانون ہاتھ میں لینے کی اجازت نہیں دی ج

ائے گی۔"