پاکستانی وزیر خزانہ کی سعودی وزیر خزانہ سے اہم ملاقات، پی آئی اے اور ہوائی اڈوں کی نجکاری پر تفصیلی بریفنگ

اسلام آباد (تازہ خبر) — وفاقی وزیر خزانہ محمد اورنگزیب نے واشنگٹن میں سعودی عرب کے وزیر خزانہ محمد بن عبداللہ الجدعان سے ملاقات کی، جس میں پاکستان انٹرنیشنل ایئرلائن (PIA) اور ملک کے اہم ہوائی اڈوں کی نجکاری پر تفصیلی گفتگو ہوئی۔

یہ ملاقات آئی ایم ایف (IMF) اور ورلڈ بینک کے مشترکہ اجلاس کے موقع پر ہوئی، جہاں وزیر خزانہ اس وقت چھ روزہ سرکاری دورے پر موجود ہیں۔

وزارتِ خزانہ کے مطابق،سینٹرمحمد اورنگزیب نے سعودی وزیر کو یقین دلایا کہ حکومت نجکاری کے اس عمل کو شفافیت اور مؤثریت کے ساتھ مکمل کرے گی تاکہ بین الاقوامی سرمایہ کاروں کو پاکستان کی معیشت میں شمولیت کے بہترین مواقع فراہم کیے جا سکیں۔

Federal Minister for Finance and Revenue, Senator Muhammad Aurangzeb, met with His Excellency @MAAljadaan, Finance Minister of the Kingdom of Saudi Arabia, on the sidelines of the IMF–World Bank Annual Meetings in Washington D.C.

During the meeting, both sides reviewed the… pic.twitter.com/XPwxKRcs7O

— Ministry of Finance, Government of Pakistan (@Financegovpk) October 16, 2025

ذرائع کے مطابق، پی آئی اے کی نجکاری نومبر 2025 تک مکمل کیے جانے کا امکان ہے۔ یہ عمل تقریباً دو دہائیوں بعد پاکستان کی سب سے بڑی نجکاری ہوگی۔

مزید برآں، یہ نجکاری کاعمل آئی ایم ایف کے 7 ارب ڈالر کے بیل آؤٹ پیکیج کی ایک اہم شرط بھی ہے۔ ملاقات میں دونوں وزرائے خزانہ نے اس بات پر اتفاق کیا کہ انٹرنیشنل فنانس کارپوریشن (IFC) اور ملٹی لیٹرل انویسٹمنٹ گارنٹی ایجنسی (MIGA) جیسے عالمی ادارے پاکستان کے نجکاری اور سرمایہ کاری منصوبوں میں فعال کردار ادا کر سکتے ہیں۔

وزیر خزانہ محمد اورنگزیب نے سعودی وزیر سے درخواست کی کہ وہ پاکستان کے بنیادی ڈھانچے اور توانائی کے منصوبوں میں مزید سرمایہ کاری کریں تاکہ دونوں ممالک کے درمیان اقتصادی تعلقات کو مزید مضبوط بنایا جا سکے۔