کوئٹہ بم دھماکہ 2025: ایف سی ہیڈکوارٹر کے قریب 10 جاں بحق، 32 زخمی

 کوئٹہ میں ایف سی ہیڈکوارٹر کے قریب خوفناک کار بم دھماکے میں 10 افراد جاں بحق اور 32 زخمی ہو گئے۔ فورسز نے بروقت کارروائی کرتے ہوئے چار دہشت گردوں کو ہلاک کر دیا۔ صدر آصف زرداری اور وزیر اعلیٰ بلوچستان نے واقعے کی مذمت کی۔

بدھ کو کوئٹہ کے علاقے ہالی روڈ پر ایف سی ہیڈکوارٹر کے قریب ایک بم دھماکہ ہوا۔ پولیس حکام کے مطابق یہ دھماکہ اس وقت ہوا جب ایک گاڑی جس میں دھماکہ خیز مواد موجود تھا، اچانک زور دار دھماکے سے پھٹ گئی۔ واقعے کے نتیجے میں 10 افراد موقع پر جاں بحق جبکہ 32 زخمی ہو گئے۔

ٹی وی اور سوشل میڈیا فوٹیج میں دھماکے کے فوراً بعد کی صورتحال دکھائی گئی جس میں قریبی عمارتوں اور گاڑیوں کو نقصان پہنچا۔

زخمیوں اور ہلاکتوں کی حالت

وزیر اعلیٰ بلوچستان میر سرفراز بگٹی کی کوئٹہ دھماکے کی شدید مذمت۔

واقعہ کے بعد سیکورٹی فورسز نے فوری اور مؤثر ردعمل دیا، سیکورٹی فورسز نے چار دہشتگردوں کو جہنم واصل کیا۔ دہشت گرد بزدلانہ کارروائیوں سے قوم کا حوصلہ پست نہیں کرسکتے۔ عوام اور سکیورٹی اداروں کی قربانیاں رائیگاں نہیں…

— Govt. of Balochistan (@dpr_gob) September 30, 2025

بلوچستان کے وزیر صحت بخت محمد کے مطابق جاں بحق اور زخمی افراد کو فوری طور پر سول ہسپتال کوئٹہ اور ٹراما سینٹر منتقل کیا گیا۔ اسپتالوں میں ایمرجنسی نافذ کر دی گئی ہے اور ڈاکٹروں و پیرامیڈیکل اسٹاف کو الرٹ رہنے کا حکم دیا گیا ہے۔

سکیورٹی فورسز کی کارروائی

واقعے کے فوراً بعد سکیورٹی فورسز نے علاقے کو گھیرے میں لے لیا۔ وزیر اعلیٰ بلوچستان میر سرفراز بگٹی کے مطابق فورسز نے بروقت ایکشن لیتے ہوئے چار دہشت گردوں کو ہلاک کر دیا۔ ان کا کہنا تھا کہ دہشت گرد بلوچستان کے امن کو سبوتاژ کرنا چاہتے ہیں لیکن فورسز ہر صورت ان کے خلاف کارروائی جاری رکھیں گی۔

صدر آصف علی زرداری کا بیان

President Asif Ali Zardari strongly condemned the Quetta attack by fitna-e-khawarij acting on India’s agenda, praising security forces’ swift action. “Pakistan, its people & its security forces shall prevail,
Insha Allah,”: President Asif Ali Zardari.

— The President of Pakistan (@PresOfPakistan) September 30, 2025

ایوان صدر کی جانب سے جاری بیان میں صدر آصف علی زرداری نے اس دھماکے کی شدید مذمت کرتے ہوئے کہا کہ یہ حملہ بھارتی حمایت یافتہ دہشت گرد گروہوں کی کارروائی ہے۔ انہوں نے کہا کہ دہشت گرد قوم کے عزم کو توڑنے میں کبھی کامیاب نہیں ہو سکتے۔

صدر نے شہدا کے درجات کی بلندی، زخمیوں کی جلد صحت یابی اور سکیورٹی فور

سز کے حوصلے کو سراہا۔