گورنر پنجاب نے لاہور ہائیکورٹ سے رجوع کرنے کا فیصلہ کرلیا!!!

 

لاہور: پنجاب میں عام انتخابات کے لئے صوبے کے گورنر، بلیغ الرحمان نے انتخابات کی تاریخ کے حوالے سے مشاورتی عمل میں اپنے کردار کی وضاحت کے لیے لاہور ہائی کورٹ (ایل ایچ سی) سے رجوع کرنے کا فیصلہ کیا ہے۔

 لاہور ہائی کورٹ نے گزشتہ ہفتے الیکشن کمیشن آف پاکستان کو پنجاب میں 90 دن کی آئینی حد میں انتخابات کرانے کی ہدایت کی تھی۔

 الیکشن کمیشن کو ہدایت کی گئی ہے کہ وہ پنجاب کے گورنر جو کہ صوبے کے آئینی سربراہ ہونے کے ناطے، اس بات کو یقینی بنانے کے لیے کہ انتخابات نوے کے اندر ہوں، سے مشاورت کے بعد، نوٹیفکیشن کے ساتھ پنجاب کی صوبائی اسمبلی کے انتخابات کی تاریخ کا اعلان فوری طور پر کرے۔  

 آج، الیکشن کمیشن کے وفد کی گورنر پنجاب کے ساتھ ملاقات میں الیکشن کی تاریخ کو حتمی شکل دینے کے لیے لاہور ہائیکورٹ کی ہدایات پر تبادلہ خیال کیا گیا ، جس کے بعد گورنر پنجاب بلیغ رحمان کے ترجمان نے کہا کہ ہائی کورٹ کے حکم میں کچھ مسائل تھے جن کے لیے "وضاحت اور تشریح" کی ضرورت تھی۔

 ترجمان کی جانب سے جاری بیان میں کہا گیا ہے کہ 'قانونی اور آئینی ماہرین سے مشاورت کے بعد معاملہ عدالت میں بھیجا جائے گا'۔

 چیف الیکشن کمشنر سکندر سلطان راجہ کے حکم پر کمیشن کے سیکرٹری کی سربراہی میں الیکشن کمیشن کے تین رکنی وفد نے گورنر سے ملاقات کی۔

الیکشن کمیشن کا وفد اب انتخابی ادارے کو گورنر سے ملاقات کے بارے میں بریف کرے گا۔

 ایک روز قبل، الیکشن کمیشن میں چیف الیکشن کمشنر کی زیرصدارت ایک اجلاس میں، لاہور ہائی کورٹ کے حکم کے مطابق پنجاب میں عام انتخابات کی تاریخ پر گورنر پنجاب سے مشاورت کرنے کا فیصلہ کیا گیا تھا۔

 ای سی پی نے کہا تھا کہ اجلاس میں پنجاب میں عام انتخابات سے متعلق لاہور ہائیکورٹ کے فیصلے پر تبادلہ خیال کیا گیا۔

 بیان میں کہا گیا تھا کہ 'معزز عدالت کے حکم کے مطابق الیکشن کمیشن نے گورنر پنجاب سے 14 فروری کو اجلاس منعقد کرنے کی درخواست کی ہے جس میں پنجاب اسمبلی کے عام انتخابات کی تاریخ پر مشاورت کی جائے گی'۔

 الیکشن کمیشن نے 90 دن میں پولنگ کرانے کی ہدایت کر دی ہے۔

 جسٹس جواد حسن نے پاکستان تحریک انصاف (پی ٹی آئی) کی درخواست منظور کرتے ہوئے انتخابی ادارے سے کہا کہ وہ آئینی حدود میں انتخابات کرائے۔

 الیکشن کمیشن سے پنجاب میں انتخابات کی تاریخیں جاری کرنے کا بار بار مطالبہ کرنے پر پی ٹی آئی نے ہائیکورٹ سے رجوع کیا۔ پارٹی نے 14 جنوری کو صوبائی اسمبلی تحلیل کر دی تھی۔