انگلینڈ نے کرکٹ سیریز جیت لی !

لاہور -انگلینڈ نے اتوار کی رات قذافی اسٹیڈیم میں فیصلہ کن ساتواں ٹی ٹوئنٹی میچ 67 رنز کے بڑے مارجن سے جیت کر میزبان پاکستان کو شکست دے کر سیریز 4-3 سے جیت لی۔

 ہوم سیریز میں شکست نے کرکٹ کے شائقین کو مایوس کیا کرکٹ ماہرین اب ورلڈ کپ کے لیے زخمی اور متضاد کھلاڑیوں کو تبدیل کرنے پر زور دے رہے ہیں کیونکہ اس سے ہی میگا ایونٹ میں ٹیم گرین کے امکانات روشن ہو سکتے ہیں۔

پاکستان کے رنز کا تعاقب ان کی فیلڈنگ کی طرح ہی مایوس کن تھا، پاکستان ٹیم نے پہلے دو اوورز میں دو اہم وکٹیں گنوائیں۔ دو کیچ ڈراپ کرنے والے کپتان بابر صرف 1 رن پر آوٹ ہو گئے۔ یہی معاملہ محمد رضوان کا بھی تھا، جو اہم میچ میں بڑا اسکور کرنے میں ناکام رہے، صرف 4 رنز بنانے کے بعد آوٹ ہو گئے۔پاکستانی ٹیم 1.2 اوورز میں 5 رنز پر 2 آوٹ ہو چکے تھے ۔

شان مسعود اور افتخار احمد نے تیسری وکٹ کی شراکت میں 28 رنز جوڑے۔ اس مرحلے پر، افتخار احمد کی ڈیوڈ ولی نے انگلینڈ کو ایک اہم وکٹ فراہم کی، افتخار 16 گیندوں پر تین چوکوں کی مدد سے 19 رنز کے انفرادی سکور پر آؤٹ ہو گئے ۔

 خوشدل شاہ اور شان مسعود ساتھ چوتھی وکٹ کے لیے 53 رنز کی اہم شراکت کی۔ خوشدل 25 گیندوں پر ایک چوکا اور ایک چھکا لگا کر 27 رنز بنائے۔ خوشدل کے بعد کوئی بھی پاکستانی بلے باز اچھی بیٹنگ نہ کرسکا اور دوہرا ہندسہ عبور کرنے میں ناکام رہا۔

آصف علی اور محمد نواز بالترتیب صرف 7 اور 9 رنز بنا سکے۔ اگلے سیٹ بلے باز شان مسعود تھے جنہوں نے سیریز کی اپنی دوسری ففٹی مکمل کی۔ انہوں نے 47 گیندوں پر آٹھ چوکوں اور ایک چھکے کی مدد سے 78 رنز بنائے اور کریس ووکس نے شان مسعود کی اہم وکٹ حاصل کی۔ اس کے بعد محمد وسیم جونیئر نے اپنی وکٹ ڈیوڈ ولی کو دی۔ انگلینڈ کی جانب سے کرس ووکس نے 26 رنز دے کر 3 جبکہ ڈیوڈ ولی نے 22 رنز دے کر 2 وکٹیں حاصل کیں۔

اس سے قبل، پاکستان کی خراب فیلڈنگ اور ڈراپ کیچز نے انگلینڈ کو 20 اوورز میں 209-3 کا بڑا حدف بنانے میں مدد کی۔ ڈیوڈ ملان کے لیے یہ اچھا دن تھا، جنھیں دو موقع ملے۔ ہیری بروک کا کیچ بھی کپتان بابر اعظم نے چھوڑا۔

 انگلینڈ کے اوپنرز ایلکس ہیلز اور فل سالٹ نے اپنی ٹیم کو اچھا آغاز فراہم کیا اور چار اوورز میں 39 رنز جوڑے ۔محمد حسنین نے ہیلز کو LBW کیا، جنہوں نے تین چوکوں کی مدد سے 13 گیندوں پر 18 رنز بنائے۔ سالٹ ، شاداب خان کے سیدھے تھرو سے رن آؤٹ ہوئے۔ وہ 20 رنز بنا سکے۔

مالان انگلش ٹیم کی جانب سے سب سے زیادہ ذمہ دار اور سمجھدار بلے باز رہے کیونکہ انہوں نے آٹھ چوکوں اور تین چھکوں کی مدد سے ناقابل شکست 78 رنز بنائے۔ خراب فیلڈنگ اور ڈراپ کیچز نے بھی انگلینڈ کے لیے بڑا اسکور کرنے میں مالان کا ساتھ دیا۔ بین ڈکٹ نے 19 گیندوں پر 30 رنز بنائے جبکہ ہیری بروک نے 29 گیندوں پر ایک چوکے اور چار چھکوں کی مدد سے ناقابل شکست 46 رنز بنائے۔ پاکستان کی جانب سے محمد حسنین واحد وکٹ لینے والے کھلاڑی تھے۔

 

Thank you, Pakistan ❤️

After 17 years of waiting, a wonderful cricket series and the wamest welcome from the people of this country 👏

🇵🇰#PAKvENG 🏴󠁧󠁢󠁥󠁮󠁧󠁿 pic.twitter.com/OUSRvMgZDM

— England Cricket (@englandcricket) October 2, 2022