مصر کے وزیرِ خارجہ آج پاکستان کے دو روزہ اہم دورے پر پہنچیں گے

اسلام آباد: مصر کے وزیرِ خارجہ بدر احمد محمد عبدالعاطی آج پاکستان کے باضابطہ دو روزہ دورے پر اسلام آباد پہنچ رہے ہیں۔ ترجمان دفترِ خارجہ کے مطابق ان کا یہ دورہ پاکستان کے نائب وزیراعظم اور وزیرِ خارجہ اسحاق ڈار کی خصوصی دعوت پر ہو رہا ہے۔

PR No.3️⃣5️⃣8️⃣/2️⃣0️⃣2️⃣5️⃣

Curtain Raiser: Visit of the Foreign Minister of Arab Republic of Egypt to Pakistan https://t.co/FTQPkMCaOF
🔗⬇️ pic.twitter.com/hQ18OZW6gQ

— Ministry of Foreign Affairs - Pakistan (@ForeignOfficePk) November 29, 2025

دفترِ خارجہ نے بیان میں کہا کہ یہ دورہ پاکستان اور مصر کے دیرینہ، برادرانہ اور اعتماد پر مبنی تعلقات کی مزید مضبوطی کا اہم موقع ہے۔ دونوں ملک مذہبی و ثقافتی رشتوں کے ساتھ ساتھ علاقائی و عالمی معاملات پر بھی یکساں مؤقف رکھتے ہیں۔

دورے کے دوران اسحاق ڈار اور مصری ہم منصب کے درمیان وفود کی سطح پر باضابطہ مذاکرات ہوں گے، جن میں سیاسی، معاشی، تجارتی، دفاعی، ثقافتی اور عوامی روابط کے فروغ سمیت دوطرفہ تعاون کے تمام پہلوؤں پر گفتگو کی جائے گی۔پاکستان اور مصر کے وزرائے خارجہ خطے کی موجودہ صورتحال، خاص طور پر غزہ کی بحران زدہ حالت پر تفصیلی تبادلہ خیال کریں گے۔ دفترِ خارجہ کے مطابق اس اعلیٰ سطحی دورے سے دونوں ملکوں کے درمیان تعاون مزید وسیع ہوگا اور مستقبل میں مشترکہ شراکت داری کے نئے دروازے کھلیں گے