اقوام متحدہ، قطر اور مصر نے حماس کے ٹرمپ کے غزہ امن منصوبے پر ردعمل کا خیرمقدم کیاہے۔
غزہ تنازع کے خاتمے کے لیے امریکی صدر ڈونلڈ ٹرمپ کے مجوزہ امن منصوبے کے اہم نکات کو قبول کرنے کے عندیے کے بعد حماس کے بیان کو عالمی رہنماؤں، اقوام متحدہ اور کئی ممالک نے خوش آئند قرار دیا ہے۔ الجزیرہ کے مطابق یہ پیشرفت خطے میں امن کی جانب ایک اہم قدم سمجھی جا رہی ہے۔
قطر کی وزارتِ خارجہ نے حماس کے بیان کا خیرمقدم کرتے ہوئے یرغمالیوں کی رہائی کی تیاری کو مثبت قدم قرار دیا۔ قطر نے ساتھ ہی ٹرمپ کے اس مطالبے کی بھی حمایت کی کہ اسرائیل فوری طور پر غزہ پر حملے روک دے۔
مصر نے بھی حماس کے بیان اور امریکی صدر کے "حقیقت پسندانہ سیاسی وژن" کو سراہتے ہوئے کہا کہ یہ پیشرفت مشرق وسطیٰ میں "امن و استحکام" کے قیام کے لیے امید افزا ہے۔ مصر نے امید ظاہر کی کہ یہ مثبت پیشرفت تمام فریقین کو اس ذمہ داری کے درجے تک لے جائے گی جس کی جنگ کے خاتمے کے لیے ضرورت ہے۔
اقوام متحدہ کے سیکریٹری جنرل انتونیو گوتریس نے بھی حماس کے بیان کو "حوصلہ افزا" قرار دیتے ہوئے تمام فریقوں پر زور دیا کہ وہ اس موقع کو غزہ تنازع ختم کرنے کے لیے استعمال کریں۔
Post A Comment:
0 comments:
If you share something with us please comment.