وزیر اعظم شہباز شریف کا دورہ ملائیشیا: تجارتی و معاشی تعلقات میں نئے دور کی شروعات

 

لاہور (تازہ خبر) — وزیر اعظم شہباز شریف اتوار کے روز ملائیشیا کے لیے روانہ ہو گئے، جہاں وہ 5 تا 7 اکتوبر تک دوطرفہ تجارتی و اقتصادی تعلقات پر “جامع مذاکرات” کریں گے۔

I will be undertaking an official visit to Malaysia 5-7 October on the invitation of my dear brother Prime Minister @anwaribrahim .Greatly looking forward to a comprehensive exchange of views on our common desire to enhance trade & economic engagement as well as bilateral…

— Shehbaz Sharif (@CMShehbaz) October 5, 2025

وزیراعظم نے روانگی سے قبل سماجی رابطے کی ویب سائٹ X (ٹوئٹر) پر پیغام میں کہا کہ پاکستان اور ملائیشیا اپنے اقتصادی روابط کو مزید مضبوط کرنے کے خواہاں ہیں۔ انہوں نے کہا کہ دورے کے دوران دونوں ممالک کی قیادت “تجارت، سرمایہ کاری اور صنعتی شراکت داری” کے شعبوں میں نئے مواقع تلاش کرے گی۔

دفترِ خارجہ کے مطابق، وزیراعظم کے ہمراہ وزیرِ خارجہ اسحاق ڈار، دیگر وفاقی وزراء اور اعلیٰ حکومتی نمائندے بھی موجود ہیں۔ دورے کے دوران تجارت، آئی ٹی و ٹیلی کمیونیکیشن، ڈیجیٹل اکانومی، تعلیم، توانائی، حلال انڈسٹری اور عوامی رابطوں کے فروغ پر بھی بات چیت ہوگی۔

ذرائع کے مطابق، پاکستان اور ملائیشیا کے درمیان کئی شعبوں میں تعاون بڑھانے کے لیے مفاہمت کی یادداشتوں (MoUs) پر دستخط کیے جائیں گے۔

یہ دورہ دونوں ممالک کے درمیان مضبوط اسٹریٹجک شراکت داری کی نئی بنیاد سمجھا جا رہا ہے جو باہمی احترام اور مشترکہ مفادات پر مبنی ہے۔