پی اینڈ جی کا پاکستان میں آپریشنز بند کرنے کا اعلان، مصنوعات اب تھرڈ پارٹی ڈسٹری بیوٹرز کے ذریعے دستیاب ہوں گی

کراچی: امریکی ملٹی نیشنل کمپنی پروکٹر اینڈ گیمبل (P&G) نے پاکستان میں اپنی مینوفیکچرنگ اور کمرشل آپریشنز بند کرنے کا اعلان کر دیا ہے۔ کمپنی کا کہنا ہے کہ اب ملک میں اس کی مصنوعات تھرڈ پارٹی ڈسٹری بیوٹرز کے ذریعے صارفین کو فراہم کی جائیں گی۔ یہ فیصلہ کمپنی کی عالمی ری اسٹرکچرنگ پالیسی کا حصہ ہے۔

کمپنی نے اپنے بیان میں کہا:

"ہم اس پورے عمل کے مکمل ہونے تک معمول کے مطابق کاروبار جاری رکھیں گے، جس میں کئی ماہ لگ سکتے ہیں۔"

ملازمین کے لیے منصوبہ بندی

پی اینڈ جی کے مطابق، متاثرہ ملازمین کو یا تو پاکستان سے باہر کمپنی کے دوسرے آپریشنز میں مواقع فراہم کیے جائیں گے یا پھر انہیں مقامی قوانین اور کمپنی کی پالیسی کے مطابق علیحدگی پیکجز (Separation Packages) دیے جائیں گے۔

جییلٹ پاکستان کی ممکنہ ڈیلِسٹنگ

پی اینڈ جی کی ذیلی کمپنی جیلٹ پاکستان نے کہا ہے کہ وہ جلد بورڈ میٹنگ بلا کر اسٹاک ایکسچینج سے ڈیلِسٹ ہونے کے امکانات اور کاروبار بند کرنے کے مراحل پر غور کرے گی۔

وزیر اعظم پاکستان شہباز شریف نے آزاد کشمیر کی صورتحال پر گہری تشویش کا اظہار کیا۔

وزیر اعظم نے شہریوں سے پُر امن رہنے کی زوردار اپیل کی ہے۔ وزیراعظم نے کہا کہ پرامن احتجاج ہر شہری کا آئینی و جمہوری حق ہے تاہم مظاہرین امن عامہ کو نقصان پہنچانے سے گریز کریں ۔

وزیراعظم نے ہدایت…

— Prime Minister's Office (@PakPMO) October 2, 2025

ماہرین کا ردعمل

انسٹی ٹیوٹ آف چارٹرڈ اکاؤنٹنٹس آف پاکستان (ICAP) کے سابق صدر اسد علی شاہ نے پی اینڈ جی کے اس فیصلے کو سرمایہ کاری کے ماحول کے لیے "خطرے کی گھنٹی" قرار دیا۔

انہوں نے کہا:

"پاکستان میں کاروباری ماحول غیر یقینی پالیسیوں، کرنسی رسک اور ریگولیٹری مسائل کے باعث سرمایہ کاروں کے لیے غیر موزوں ہوتا جا رہا ہے۔ جب عالمی کمپنیاں ملک چھوڑ دیتی ہیں تو یہ واضح پیغام ہے کہ سرمایہ کاری کی حوصلہ افزائی کے بجائے رکاوٹیں پیدا کی جا رہی ہیں۔"