پاکستان کی مذمت، اسرائیل نے 13 جہاز روکے مگر 30 اب بھی غزہ کی جانب رواں دواں

اسلام آباد / غزہ (اسٹاف رپورٹر + انٹرنیشنل ڈیسک): وزیراعظم شہباز شریف نے غزہ کے لیے امدادی سامان لے جانے والے گلوبل سمود فلوٹلا پر اسرائیلی حملے کی شدید مذمت کرتے ہوئے اسے "بزدلانہ اقدام" قرار دیا ہے۔ دوسری جانب، فلوٹلا تنظیم نے انکشاف کیا ہے کہ اب تک 13 جہاز اسرائیلی افواج نے روک لیے ہیں، تاہم 30 کشتیاں اب بھی غزہ کے ساحل کی طرف بڑھ رہی ہیں۔

Pakistan strongly condemns the dastardly attack by Israeli forces on the 40 vessel Samud Gaza flotilla, carrying over 450 humanitarian workers from 44 countries.
We hope and pray for the safety of all those who have been illegally apprehended by Israeli forces and call for their…

— Shehbaz Sharif (@CMShehbaz) October 1, 2025

وزیراعظم نے ایکس (سابقہ ٹوئٹر) پر اپنے بیان میں کہا:

 "پاکستان اسرائیلی افواج کے غزہ سمود فلوٹلا پر بزدلانہ حملے کی شدید مذمت کرتا ہے۔ یہ بیڑا 44 ممالک کے 450 سے زائد انسانی ہمدردی کے کارکنوں کو لے کر جا رہا تھا۔ ان کا جرم صرف یہ تھا کہ وہ مظلوم فلسطینی عوام کے لیے امداد لے جا رہے تھے۔"

انہوں نے مزید کہا کہ: "اسرائیلی بربریت ختم ہونی چاہیے۔ امن کو موقع دیا جانا چاہیے اور انسانی ہمدردی کی امداد ضرورت مندوں تک لازمی پہنچنی چاہیے۔"

فلوٹلا کا ردعمل

گلوبل سمود فلوٹلا نے الجزیرہ کو بتایا:"اسرائیل کی غیر قانونی رکاوٹیں ہمیں نہیں روک سکتیں۔ ہم اپنے مشن کو جاری رکھیں گے تاکہ غزہ کا محاصرہ توڑا جا سکے اور انسانی ہمدردی کی راہداری کھولی جا سکے۔"

یہ فلوٹلا 40 سے زائد جہازوں پر مشتمل ہے جن میں سیاستدان، انسانی حقوق کے کارکن اور 44 ممالک کے 450 سے زیادہ رضاکار شامل ہیں۔ ان کا مقصد محصور فلسطینی عوام تک امدادی سامان پہنچانا ہے، تاہم اسرائیل نے غزہ پر کئی برسوں سے بحری ناکہ بندی کر رکھی ہے جس کے باعث امدادی قافلے اکثر رکاوٹوں 

کا شکار ہوتے ہیں۔