ایس پی آر نے جمعرات کو بتایا کہ پاکستان ایران سرحد کے ساتھ بلوچستان کے ضلع کیچ کے سنگوان علاقے میں دہشت گردوں نے سیکورٹی فورسز کی چیک پوسٹ پر حملہ کیا جس میں دو فوجی شہید ہو گئے۔
انٹر سروسز پبلک ریلیشنز (آئی ایس پی آر) کی جانب سے جاری بیان کے مطابق دہشت گردوں کے ایک گروپ نے چیک پوسٹ پر فائرنگ کی۔
"چونکہ پوسٹ پر موجود فوجی پہلے سے ہی چوکس تھے، انہوں نے تمام دستیاب ہتھیاروں کے ساتھ بہادری سے جواب دیا، اور شدید فائرنگ کا تبادلہ ہوا،"
آئی ایس پی آر کا کہنا تھا کہ سیکیورٹی فورسز نے کامیابی سے دہشت گردوں کو پیچھے دھکیل دیا۔ تاہم، "فائرنگ کے شدید تبادلے" کے دوران، ڈیرہ غازی خان کے رہائشی 34 سالہ سپاہی حسنین اشتیاق اور جھل مگسی سے تعلق رکھنے والے 27 سالہ سپاہی عنایت اللہ نے جام شہادت نوش کیا۔
سیکیورٹی فورسز نے علاقے میں فوری طور پر سرچ آپریشن شروع کیا ہے اور وہ ایرانی حکام کے ساتھ بھی رابطے میں ہیں۔
اس سے قبل جنوری میں بلوچستان کے ضلع پنجگور میں پاک ایران سرحد کے پار سے "دہشت گردی کی کارروائی" کے دوران چار سیکورٹی اہلکار بھی شہید ہوئے تھے۔
پاکستان کے اعلیٰ حکام کی جانب سے اس واقعے کی بھرپور مذمت کی گئی تھی اور دفتر خارجہ نے ایران سے کہا تھا کہ وہ مجرموں کو سزا دے اور مکمل تحقیقات کو یقینی بنائے۔
Post A Comment:
0 comments:
If you share something with us please comment.