سینئر صحافی سمیع ابرہیم تا حال لا پتہ ؟؟

سینئر صحافی سمیع ابراہیم کو مبینہ طور پر بدھ کے روز اسلام آباد میں نامعلوم افراد لے گئے، جن کا ابھی تک کوئی پتہ نہ چل سکا خاندانی ذرائع نے دعویٰ کیا کہ ان کو کون اور کہاں لے جایا گیا ہے اس کے بارے میں کوئی اطلاع نہیں ہے۔

ترجمان اسلام آباد کیپیٹل پولیس ۔

صحافی سمیع ابراہیم کی گمشدگی کا معاملہ۔

اسلام آباد کیپیٹل پولیس سمیع ابراہیم کی تلاش کےلیے کوئی دقیقہ فروگزاشت نہیں کرے گے۔

سمیع ابراہیم کے خاندان کے ساتھ مکمل تعاون کیا جائے گا۔

ابھی کوئی نتیجہ اخذ کرنا یا قیاس آرائی کرنا قبل از وقت ہوگا۔

— Islamabad Police (@ICT_Police) May 24, 2023

 ذرائع نے بتایا کہ سمیع ابراہیم کو پولیس نے گرفتار کیا تھا، لیکن اسلام آباد پولیس کی طرف سے جاری کردہ ایک بیان میں کہا گیا ہے کہ وہ صحافی کے اہل خانہ کے ساتھ تعاون کریں گے اور ان کا سراغ لگانے میں کوئی کسر نہیں چھوڑیں گے۔

 سمیع ابراہیم کے بھائی علی رضا نے آبپارہ پولیس اسٹیشن میں اغوا کی شکایت درج کرائی ہے۔

 درخواست کے مطابق، سمیع ابراہیم کو رات 9 بجے سیکٹر G-6 میں 6th ایونیو کی سروس روڈ پر چار کاروں نے روکا جب وہ بول ٹی وی کے دفاتر سے نکل کر گھر کی طرف جارہے تھے۔ گاڑیوں سے آٹھ سے دس نامعلوم افراد نکلے اور اسے زبردستی اپنے ساتھ لے گئے۔

 واقعہ کے وقت سمیع ابراہیم کا ڈرائیور ارشد ان کے ساتھ تھا۔ نا معلوم افراد نے ڈرائیور کو چھوڑ دیا اور سمیع ابراہیم کو اپنے ساتھ لے گئے۔

 درخواست میں کہا گیا ہے کہ نا معلوم افراد نے ڈرائیور اور سمیع ابراہیم کے تین موبائل فونز کے ساتھ ساتھ کار کی چابیاں بھی چھین لیں۔